ပြည်ပနိုင်ငံများတွင် အလုပ်လုပ်ကိုင်လျက်ရှိသည့် မြန်မာနိုင်ငံသားများ ခွင့်ဖြင့် မြန်မာ နိုင်ငံသို့ ပြန်လည်ဝင်ရောက်ရာတွင် သက်ဆိုင်ရာသံရုံး၏ ထောက်ခံချက်ရယူရန် အလုပ်သမား ဝန်ကြီးဌာန၏ ကြေညာချက်အရ မြန်မာသံရုံး၊ ဂျီနီဗာမြို့အနေဖြင့် ဆွစ်ဇာလန်နိုင်ငံတွင် အလုပ် လုပ်ကိုင်လျက်ရှိသည့် PJ အမျိုးအစား မြန်မာနိုင်ငံကူးလက်မှတ် ကိုင်ဆောင်ထားသူများအတွက် ခွင့်ပြန်ထောက်ခံစာများ လျှောက်ထားနိုင်ကြောင်း ၁၂-၅-၂၀၂၆ ရက်တွင် ကြေညာခဲ့ပါသည်။
ယခုအခါ ခွင့်ပြန်သူများသည် ခွင့်ကာလပြီးဆုံး၍ မြန်မာနိုင်ငံမှ ပြန်လည်ထွက်ခွာခွင့် လျှောက်ထားရာတွင် အလုပ်ရှင်၏ ခွင့်စာနှင့် မြန်မာသံရုံး၏ ထောက်ခံစာတို့အား ပူးတွဲတင်ပြ ရမည့်ကိစ္စအပေါ် အလုပ်သမားဝန်ကြီးဌာနက ဖြေလျှော့ခဲ့ပြီးဖြစ်ပါသည်။ သို့ဖြစ်ပါ၍ ၁၅-၁၀-၂၀၂၆ ရက်မှစတင်၍ ခွင့်ပြန်ထောက်ခံစာကို မြန်မာသံရုံး၊ ဂျီနီဗာမြို့၌ ရယူရန် မလိုအပ် တော့ကြောင်း အသိပေးကြေညာအပ်ပါသည်။
မြန်မာသံရုံး၊ ဂျီနီဗာမြို့
ရက်စွဲ၊ ၂၀၂၆ ခုနှစ်၊ အောက်တိုဘာလ ၂၀ ရက်
